Assata Shakur: berrikuspenen arteko aldeak

 

== Esanak ==

 

* "Beltz iraultzailea naiz; beraz, definizioz, Beltzen Askapenerako Armadako (Black Liberation Army, BLA) kidea naiz."

* "Beltzen Askapenerako Armada ez da erakunde bat: hori baino gehiago da. Kontzeptu bat da, pertsonek osatutako mugimendu bat, ideia bat. Jende ezberdin askok gauza ezberdin asko egin dituzte Beltzen Askapenerako Armadaren izenean. Beltzen Askapenerako Armada sortzeko ideia beltzen komunitateak bizi zuen egoeraren ondorioz sortu zen: pobrezia, etxebizitza duinezak, langabezia larria, osasun-zerbitzu eskasak eta behe-mailako hezkuntza. Hamar urteko haurrak tiroz erailtzen dituztelako gure kaleetan. Drogak gainezka egiten duelako gure komunitatean, gure haurren etsipena eta frustrazioa elikatuz. BLAren kontzeptua sortu zen beltzek herrialde honetan bizi duten zapalkuntza politiko, sozial eta ekonomikoagatik. Eta zapalkuntza dagoen tokian erresistentzia egongo da. BLA erresistentzia-mugimendu horren parte da. Beltzen Askapenerako Armadak askatasuna eta justizia aldarrikatzen du pertsona guztientzat."

 

* "Historiak irakatsi didanez, klase ertaineko zenbait zuri 'liberalak' dira baldin eta posible badute ederto batean bizitzea, oporrak Europan igarotzea, seme-alabak ikastetxe pribatuetara bidaltzea eta beren azal zuritik eratorritako irabaziak jasotzea. Baina garai gogorrak datozenean eta dirua eskas denean, liberal-mozorroa kentzen dute eta Adolf Hitler-ekin hizketan ari zarela iruditzen zaizu. Beren pribilegioei eusteko gai diren artean bakarrik ematen diete pena 'pribilegio bako' deritzenek."

 

* "Jendea zuzen dabil esatean kontua ez dela zer daukazun buru gainean, ezpada zer daukazun buru barruan. (...)Baina, nire ustez, zure janzkera eta zure itxura zutaz esan nahi duzunaren isla dira. (...)zerbait adierazten ari zara. Niretzat, adierazte kontu huts bat zen. Hauxe naiz, eta itxura hau izatea atsegin dut. Hauxe da niretzat edertasuna. (...)Beltzen irudia erabat ezeztatu guran dabilen herrialde batean, eten barik esanez hutsak garela, gure kultura hutsa dela, sentitzen nuen eta orain ere hala sentitzen dut ezinbestekoa dela eten barik gure buruei buruzko adierazpen positiboak egitea. Aske izateko daukagun desirak garen eta egiten dugun zer guztietan agertu behar du. (...)Beste garai batean, beharbada, denok berdinak eta askeak garenean, ez dio axolako ez gure orrazkerak ez gure janzkerak. (...)Baina oraintxe bertan uste dut guretzat garrantzitsua dela orientazio bila Afrikara begira dauden gizon eta emakume beltz indartsu eta harro gisa agertzea eta sentitzea."

 

* "Esklaboek erasoei erantzun ez zietela sinistuta hazi nintzen. Gogoan dut nola lotsatzen nintzen eskolan, esklabotzari buruz hitz egiten zutenean. Irakasleen kontakizunaren arabera, bazirudien beltz jendeek ez zutela ezer egin 'emantzipazio' ofizialaren alde. Zuriek askatu gintuzten."

 

* "Era berean, garrantzitsua da ulertzea Gerra Zibila ez zela piztu esklaboak askatzeko. Bi sistema ekonomikoren arteko gerra izan zen, klase agintariaren bi alde bereizik AEBen boterea eta kontrola lortzeko piztu zutena: Hegoaldeko esklabo-jabe zuri aberatsak eta Iparraldeko industrialari zuri aberatsak. Borroka bi ekonomiaren artekoa zen: esklabo-plantazioetan oinarritutakoa, bata, eta manufaktura-industrian oinarritutakoa, bestea."

 

* Egia esan, munduko askapenerako mugimendu bakar batek ere ez ziharduen kapitalismoaren alde borrokan. Labur esanda: balioren bat daukan edozein gauza langileek egin, ustiatu, hazi, ekoitzi eta prozesatzen dute. Beraz, zer dela eta dira izango langileak aberastasun horren jabe kolektiboak? Zer dela eta ez dituzte langileek jabetzan izaten eta kontrolatzen beren baliabideak? Kapitalismoak esan nahi zuen enpresari aberatsak aberatasunaren jabe zirela, eta sozialismoak esan nahi zuen aberastasuna sortzen zutenak zirela haren jabeak."