Txillardegi
idazle, hizkuntzalari eta intelektual euskalduna (1929-2012)
(Jose Luis Alvarez(e)tik birzuzenduta)
Jose Luis Alvarez Enparantza Txillardegi (Donostia, Gipuzkoa, 1929 - 2012) euskal hizkuntzalari, idazle eta politikaria izan zen.
Txillardegik esanak
aldatu- "Estatu batekin, agian, euskara ez da salbatuko; baina estaturik gabe, ziur ezetz".
- "Euskaldunon aberria euskara da".
- Testuingurua: Sabino Aranaren esaldiaren ("Euskadi euskaldunon aberria da") parafrasia da.
- "Euskararen aldeko borrokatik at, euskal abertzaletasunak ez dik funtsik".
- Iturria: Argia (1983-09-11)
- "Jean Paul Sartre hil da. Eta tristura handia senditu dugu askok. Tristura handia bereziki euskal ezker abertzalearen sorreran geure ahalegin guztiak egin ditugunok. Sartre lekuko aparta hiltzean, Sartre irakaslea eta gidaria ere galdu baitugu".
- Testuingurua: Txillardegik Paretaren kontra liburuari egindako hitzaurrean.
- Iturria: armiarma.com
Txillardegiri buruz esanak
aldatu- "Txillardegik inkarnatzen du ongien Euskal Herri berria, gerra ondokoa esan ohi den aroa [...] Mugarri handia, izan, gerra izan da. Baina harrigarria da nola gero [...] euskalgintzan, literaturan, gure borroka ideologiko edo mundu ikuskeran, politikan, berrogeita hamar urte luze mila gatazka ilunetan okupatuko gaituzten motiboak, denak batera kolpe batetik eta garbi, koherentzia osoarekin ageri diren harengan, etorkizunaren intuizio berri jenial batean bezala".
- Iturria: Joxe Azurmendi, 1999: Txillardegiren saioa: hastapenen bila, Jakin: 114
