Jainkoa

Jainkoa izaki gorena da erlijio monoteistetan. Unibertsoaren sortzaile bakarra. Ikuspegi hau egun nagusi diren erlijio monoteistek (Jainko bakarrekoek) dute, besteak beste judaismoak, kristautasunak eta islamak.

"Jainkoak esan zuen: «Izan bitez argizagiak zeru-sabaian, eguna eta gaua bereizteko, eta jaiak, egunak eta urteak ezagutarazteko»". - Biblia

Esanak

• "Ergelkeriaren aurka, jainkoak eurak ere alferrik ari dira borrokan". - Friedrich Schiller

• "Ez deabruak eta ez jainkoak ez dira existitzen, denak gizakiaren jarduera psikikoen emaitza dira". - Sigmund Freud

• "Ez dut gorrotatu gabe mundu guztia maite duen jendearengan sinesten. Bat izan zen, Jesukristo, eta gaizki bukatu zuen".
  • Risto Mejide, 2009ko irailaren 6an.

• "Ez dut jainkoarengan sinesten eta ez dut horretarako beharrik. Gutxienez intolerante izatetik urrun nago. Ateoak munduko pertsonarik toleranteenak gara. Sinesdun bat berehala bihurtzen da intolerante. Historiako inongo unetan, munduko ezein bazterretan, erlijioek ez dute jendea elkarrengana biltzeko balio izan. Alderantziz, urruntzeko besterik ez dute balio izan: erretzeko eta torturatzeko. Ez dut jainkoarengan sinesten, ez dut behar eta pertsona ona naiz gainera." - José Saramago

• "Ez jainkorik, ez jaberik". - Mikhail Bakunin

• "Hasieran Jainkoak zerua eta lurra sortu zituen. [...] Eta Jainkoak esan zuen: «Izan bedi argia». Eta izan zen argia".
  • Biblia: Hasiera 1, 1 eta 3.

• "‘Jainkoa’ debekatutako hitza da zientzian". - Fred Hoyle

• "Jainkoa hil egin da". - Friedrich Nietzsche

• "Jainkoa nire fikziozko pertsonaiarik gogokoena da". - Homer Simpson

• "Jainkoagan sinesten dut, baina nik Natura deitzen diot". - Frank Lloyd Wright

• "Jainkoagan sinesteari uztea, norbere erabakien arduradun egitea da". - Simone de Beauvoir

• "Jainkoak ere ezin du hondoratu".
  • White Star Line ontzi-enpresa, Titanic itsasontziari buruz.

• "Jainkoaren ideia gehiegi errespetatzen dut, hau bezain mundu absurduaren erantzule egiteko". - Georges Duhamel

• "Jainkoari esker, umiltasuna falta zait". - Jose Mourinho

• "Jainkorik baldin bada, gizakia esklaboa da; baina gizakia aske izan daiteke eta hala izan behar du; beraz, jainkoa ez da existitzen". - Mikhail Bakunin

• "Nik ez dut nire ezjakintasuna aldare batean jartzen eta horri jainko deitzen". - Mikhail Bakunin

• "Oso ederra izango litzateke mundua sortu zuen jainko bat eta probidentzia onbera bat balego, eta ordena moral bat unibertsoan, eta bizitza heriotzaren ondoren; baina oso deigarria da hau guztia guk nahiko genukeen bezalakoxea izatea". - Sigmund Freud

• "Zergatik da hain garrantzitsua eraikin horretara (elizara) igandero joatea? Jainkoa ez al dago edonon?" - Homer Simpson